合理化

　　最近經常有人問最想邊個做特首，每次聽到都有點氣憤，立刻回答：「你有得投票咩？」
　　聽聞由一開始就反對小圈子選舉的梁國雄話要參加特首選舉，初時以為聽錯，及後他有解釋，但係佢以後再講咩都無用，因為大家都已經將一個小圈子選舉合理化了。
　　早幾日，facebook轉來一篇由尊貴的張超雄立法局議員貼在自己facebook上的一段文字（可以上網找）：

三月十二日
為什麼我誓死不會支持曾俊華？
作為一個選委，首先要聲明，我絕對不會支持林鄭。但我也絕對不會支持曾俊華。以下是我的理由：
1. 曾俊華服從831，完全沒有抗爭的意念；
2. 曾俊華會推23條立法；
3. 曾俊華在豐厚的盈餘下，仍要所有政府部門在三年內削2%開支；
4. 港府儲備已過三萬億，對於香港要多少儲備才夠，曾俊華竟然説「越多越好！」；
5. 曾俊華説："You always agree with your boss". 一個只懂得服從老闆、看風駛舵的人，怎能做領導？
可以想像，在曾俊華治下，香港只會繼續貧富懸殊，民不聊生！
作為推動民主自由的議員，第一、二個理由足夠我反對他。作為推動民生的議員，第三、四個理由叫我絕對不會支持他。
一句到尾：
林鄭是evil, 不見得曾俊華是lesser evil.

　　看完之後真係唔知點講，也許特區香港或有中國人的地方真係唔應該有民主，也絕對不需要有一人一票選舉，所以由一千二百人選特首請繼續下去。
　　由反對小圈子選舉到話要參選，無論有甚麼原因，都等同了贊成小圈子選舉，就算真係欽點又如何，反正市民都係無投票權。（支持梁國雄議員出來參選包括朱凱廸、劉小麗、姚松炎和羅冠聰。）
　　張超雄說了不支持某人的原因，而這些原因全部成立的話，那麼將來由另一個人做的時候，想問問，你那不支持的原因中是否全部都不再存在呢？
　　例如將來的特首一定有抗爭的意念，不會推二十三條立法，豐厚盈餘下不削減開支，未必會講「越多越好！」但咩都唔講，不服從老闆亦不看風駛舵。如果真係不支持某人而有咁嘅結果，真係要感謝張議員不投票給某人了，更要祝全個特區的人好運。
　　既然張議員做人咁有原則，點解唔去反對小圈子不公義的選舉，只說出幾個理由不支持某人，卻無膽指出個個都係魔鬼呢？
　　講到咁有理由，無非都係講利益，既然個個都講小圈子選舉，咁即係小圈子選舉最合適特區香港，以後就讓一千二百人投票算了，唔好再講大道理。
　　這班議員真係高貴，全因他們當了議員，是一千二百人中的必然選委，他們有權投票，而我們卻無。