星期三, 3月 29, 2017

「聖木奠」

  話說有個人話聽到上帝的呼召,叫佢站出來唔知做咩,結果又真係畀佢做到,真係一天都光晒,從此特區香港變作聖地,以後朝聖唔使先去意大利再轉去梵蒂岡,直接來特區香港的中環半山便可,都唔知幾方便。
  早前唔知係邊度睇到,House醫生自言自語:「你和神禱告,係信仰;但神對你講話,則係神經病。」
  特區香港的確係福地,聽聞教廷封聖係要等那個人死後才有機會,生前能夠封聖絕無僅有,但係今天終於可以未死就可封聖,因為已經行了神蹟,聽到神的講話,而且更得到共產黨的祝福,從此此人可稱為聖木奠。
  還有一件事更值得可喜可賀,有班人可以名正言順繼續他們的路線。記得毛澤×時代——沒有錯是時代——叫人順從,會說「少數服從多數」,天要落雨娘要嫁人這不可改變的事實,但是有時候大部分人反對又如何呢?毛澤×便會說「有時候真理在少數人手裏」。
  點解今天有班人所講和毛澤×所講的差不多呢?因為他們全都是毛澤×的好學生,活學活用,永遠有用,繼續可以高人一等,永遠月入十多萬元一個月,永遠有佢講無你講。
  本來邊個選到都唔關人事,但係有班有得投票的廢人仲要出來教訓無得投票的別人,本來想說願上帝保佑,但係神都有了旨意,再講下去做啥。

沒有留言: