星期三, 5月 03, 2017

訂票

  旅行前要準備,首先計劃去啥地方,然後留意機票,直航還是要轉機,到達之後怎樣去到目的地,乘火車巴士渡輪還是繼續轉飛機。
  有些人喜歡安排妥當,預訂包括博物館畫廊入場票,連時間都要配合,一到門口唔使排隊,立刻入場的確方便,心目中早已知道館內藏品,有了心中想睇的名畫或藝術,例如卡拉瓦喬、達文西、拉斐爾、米高安哲羅。
  有些人喜歡隨緣,買了張單程機票,然後從落機一刻開始起步,去到邊睇到邊,邊度好玩住多幾天,發覺並不是心中所想時匆匆離開,過著瀟灑的旅行日子。
  以前的確可以這樣,但係出來工作,假期只得十天八天,就算有十四天,有時也不能全取,在那十多天的時間怎可能隨緣想去邊就去邊,無全盤計劃,起碼都要有張來回機票。
  博物館畫廊的門票可以到時排隊買,但係火車巴士提早預訂有折扣,有時甚至低於一歐元一英鎊,比原價廉宜太多,難以抗拒這個吸引,所以大都會安坐家中上網享受訂票的樂趣,有時亦很緊張,除了日子不能錯,選擇多之外又要睇內容,付款時亦要準備信用卡,一切弄好時轉到收電郵,當中所花的時間與精神也成了旅行的一部分,也學會了很多。
  當訂至最後一程——前往機場的車票——的時候總覺得很奇怪,機票、火車票、巴士票、旅館訂房、博物館畫廊入場票,有時甚至舞台劇音樂會的入場票都已經有了,但係全部末使用過之時就已經預訂離開時的巴士飛,旅行還未開始呀,難道這樣就已經結束了嗎?

2 則留言:

基爾 提到...

果然係未出發先興奮XXXD

MK110 提到...

睇過阿倫「旅行的藝術」電視版,話說有個人當一切準備妥當之後取消了出發,因為他已經計劃並已完成了旅程……