靠估

　　特區天文台每次購入新儀器，都會向外宣布日後預測天氣多準確，包括明年會有幾多個颱風襲港，初期可以預測明日天氣，後來預測三天，再後來預測七天，至今日可以預測十天。
　　沒有錯，係預測十日的天氣，至於準唔準，特區天文台無講，市民亦唔會留意，反正天氣唔係出太陽就係落雨，未必一定要聽天文台的預測，睇吓個天大概都知道。
　　最勁就係天文能夠預測颱風的風向走勢，但係次次都係唔多準，例如話唔會掛八號，但係會，話會掛八號之時，有時又唔會，因為風向轉了——天文台也是這樣講。
　　前幾天連續下雨，時大時細，睇睇幅圖當時天文台如何預測。
　　首先雷暴警告在五時三十分發出，有效時間至上午七時正。結果過了七時仍繼續落雨，於是延長至八時三十分。可惜至八時三十分仍落雨，天文台於是又延至九時三十分。
　　到了九時三十分，天仍要下雨，無辦去，天文台只好將雷暴警告延長至十一時。終於到十一時前停了雨，天文台可以取消雷暴警告。
　　天文台話可以預測十日內的天氣，但是連預測落雨也只未能知道一個鐘頭後個天落唔落雨，要逐個鐘頭睇吓個天，有最先進儀器的天文台和普通市民又有何分別？
　　第二張圖更妙，證明天文台都係睇個天做人，絕對唔係靠先進的儀器，所以如果天文台話九日後會落雨，其實都係靠估。