星期二, 5月 15, 2018

刑事弓神片尾曲「ヒューマン」



  有說自從卡拉OK出現,歌唱事業逐漸走下坡的原因之一,再加上近年智能電話,聽歌根本唔使再買唱片錄音帶CD,只要從網上下載便可。
  不單特區香港如此,連世界各地都係一樣,剩下死唔去的老柴依舊站在台上唱歌,沒有新一代繼承。
  事實係咪咁簡單?
  早幾日睇新聞,歐洲每年舉辦歌唱大賽,美國仍然有Billboard,日本唔使講,幾乎套套日劇都有主題曲甚至片尾曲,青春勵志搖滾流行演歌包羅萬有,難道只是特區香港唱片業才真正沒落?
  雖然生態改變,潮流亦變,但看看今天,製作電視劇的電視台只有一個,電視劇都唔知仲有無主題曲。至於電台,播歌要畀巨額版權費,每播一次再計一次,咁不如唔播咁多,改為播出一些只聽見笑聲的廣播節目,另外還要本地化云云,即係減少播出歐西流行曲,改編亦唔得,這個決定應該由俞琤主管商業二台開始。還有一個重要原因,就是那班唱歌的人要顧及全中國市場——特區香港咁細點搵錢呀,結果正如今天所見。
  最近睇了Viu99一套日本劇集「刑事弓神」,片尾曲由WANIMA所唱「ヒューマン」。音樂已經唔識,日文更加唔識,上網找來中譯,聽歌之餘聽聽那近乎吶喊的聲音,問也好怨也好呼叫也罷,爬起來撫平傷口再努力過。
  抄下幾句中譯歌詞,來自ViuTv99:

到底哪裏錯了
歪曲不能糾正
解開扭曲了的記憶
最後拉回來

期待落空的現實
為何期待的答案在那裏
未可 怎能疲倦
沒有終結的道路上
總是回答不到的事
想起過但消失了的心意

  其餘中譯可見網上WANIMA「ヒューマン」

沒有留言: