沒落

　　BBC中文網報道了西城秀樹逝世的消息，見西城秀樹與改編歌時代：「他是亞洲音樂的瑰寶」。
　　說不上是西城秀樹的歌迷，他的逝世對於特區香港而言，或許可說成真的是一個時代的結束。
　　今天返工時，同事拿著蘋果日報睇完然後說，話劉德華有少少似西城秀樹，無論髮形及雙眼。其實一向都沒有留意，只好支吾以對，由此講開睇日劇，話唔明點解今天咁多人睇韓劇。本來日劇都無乜好睇，特別是八九十年代的日劇，每集都要喊幾次，個個主角唔係絕症就係血癌。
　　日劇沒落開始睇韓劇或許無錯，可惜韓劇更差，一套長四十集的劇情而無睇其中三十五集依然可以接得上繼續睇才算離奇，這樣的韓劇怎會好看！
　　講起唱歌，西城秀樹憑改編歌《YMCA》而紅，而香港亦以他的改編，其中包括「粵語流行樂當中改編自西城秀樹原唱作品的歌曲包括羅文主唱的《好歌獻給你》和張國榮的《烈火邊緣》等」。
　　以前世界大同，為何今天難見改編歌呢？也許今天講本地創作，結東廣東歌沒落。
　　本來改編好正常，文章亦有翻譯一樣，奈何有人不自量力，唔知自大定虛榮，以為七百萬人可以撐起一個樂壇。同樣亦有人以為十四億好大，原來係要跪低先有飯食，兩頭唔到岸之下，後繼無人，自己都退埋休，剩下了無生氣的局面，剛巧有人逝世，正好給那些人緬懷過去。