星期一, 8月 06, 2018

拼圖

  唔知點解愈來愈多空箱,連顯示器也有兩個,一部唔知開唔開到的電腦,一部使用InDesign改稿時會撞至當機,膠片紙皮堆滿檯底,無端端多了對喇叭,連聽「光明頂」都改為在網上直接收聽。
  如砌拼圖一樣,逐塊逐塊對顏色對圖案,有時會覺得非常順利,有時砌極都砌唔好,有時會遇上很多難題,亦要花上很多功夫。經過時間的洗禮,透明的顏色會變黃,白色也帶灰,但點解又唔一定係咁。
  今年更有奇妙的事情,翻開一個檯曆,點解沒有了七月份那一張,數來數去全年只得十一張,獨欠了一個月,誰料轉眼又成過去,好快又來到八月。
  有苦無解決方法想盡千方百計的冀盼,也有堆滿兩旁無路可走的焦急,更有如釋重負的舒懷伴著失落,抽出那幾塊砌極都砌唔好的拼圖重新攪亂,然後重拾精神,繼續埋首砌著每一個屬於自己的拼圖。
  曾偷偷數手指……