星期六, 1月 25, 2020

投票

  寫於十一月二十四日區議會選舉之後。
  選舉過了兩天,早上如常返工。約八點幾,同事從外回來在遠處和我打招呼,連忙揮手回應,一碰面他第一話就問:「星期日有無投票?」
  「有。」為了顯示自己盡了公民責任,當然這樣回答。
  他一聽有人投了票自然也想別人知道他的經歷。
  「你知唔知,星期日那天一早七點幾已經畀阿媽叫醒,話同我一齊去投票。」
  「係?你阿媽咁積極真係難得。」猜想他的母親應該已有六七十歲。
  「你知唔知阿媽第一句就問邊個係鬧政府嘅?我就話一號囉,點知阿媽一聽就話咁一齊去投一號喇。」
  「嘩,原來你阿媽咁激進……」立刻對他母親肅然起敬,因為唔止關心政治更了解社會,不因年齡成障礙。
  「連我阿媽都要反政府要選個鬧政府的議員,可知這個政府有幾衰。但係投票都唔使咁早,無啦啦七點幾就搞醒人話要去投票。」
  因有其他事要做,沒有和他繼續傾,各走各路時大家拍拍對方,一同發出會心大笑。

沒有留言: