考眼力

　　朋友從義大利來港，要去山頂遊覽，於是約定在金鐘地鐵站出口附近的15號巴士站等。

　　金鐘的15號巴士站當然知道在那裏，但這位義大利朋友完全不知道，他看完整個站牌，只知這裏是金鐘，而且是「觀光城巴」H1和H1S，最下面的一塊才是15及X15，要落足眼力才發現旁邊寫上山頂（The Peak）。

　　簡單一個站牌，仲要分成三塊及三個站分，如果是一位初到貴境的旅客第一眼會見到咩呢？應該係H1及H1S。15和X15細心留意都可以見到的，但是目的地則係咪咁多人可以睇得到呢？

　　睇相唔可以作準，因為有了焦點。站在街上睇站牌，會受周圍環境所影響，旁邊經過的人，排緊隊的乘客，後面的高樓大廈，移動中的汽車巴士等。

　　義大利人見怪不怪，聽佢話意大利巴士站牌仲奇怪，唔會有咁多圖案喎，仲係幾十年不變。

　　好與唔好義大利不說，但係佢最唔明點解明明可以一塊過係都要分成三塊呢？莫非中國人真係勤力啲，有一塊唔整要整三塊，可惜駁口一啲都唔齊，向上向下向左向右斜，一啲美感都無。

　　義大利人咁懶點會明吖，當中還有接受與適感在內，至於包容，真係接受唔到包容出少糧呀，加班無錢呀，追幾個月都未有呀這些新事物。