怪現象之一：郁都無郁

　　放假幾天去了上海，回程的航機遲了兩個半小時才到香港，臨離開飛機時聽到兩位港女的談話，內容大概說既然在上海都係遲起飛，點解咁早畀乘客登機，要在機艙內坐足個半鐘才起飛。
　　看她們的樣子都係經常到偉大的地方旅遊，無理由唔知這裏的規矩。雖然機長在廣播中說因為上海有軍事演習，正實施空中管制，要等候安排才能推出停機坪。
　　近年很少到中國旅行，但早知全國的航機都有延遲的習慣，至於主要原因是甚麼從來都唔清楚，一時說天氣關係，一時說軍事演習，一時說空中交通繁忙，反正每次都有心理預備，所以從不深究，因為我們永遠不會知道真正的理由。
　　根據以往經驗，全世界的航空公司都以準時為前提，當然也有些地方例外，包括中國，再加上中國有特殊做法，所以無論怎樣，乘客都必先登機。
　　別處怎樣處理唔清楚，憑常識推斷，在中國機場，飛機起飛並不是睇時間，而係睇飛機關門準備起飛與否，然後才安排起飛，所以才會所有乘客鎖在機艙內等的情況。
　　這樣做法的起源相信與偉大的地方有某些人有太多特權有關所致，就算遲到也可以上機，結果安排了時間卻因飛機仍在等待，於是只好出此「上策」，不關上機門不給起飛時間。
　　明白這個原因之後，自某一年開始，每逢在中國乘飛機，只要知道可以上機就立刻行動，第一時間排隊上機，然後找本書出來慢慢睇，隨時可以睇完一本書架飛機依然停在原位，郁都無郁過。