幾日假期，來公園活動的當地居民也多，除了設有著名零食餐車，亦有音樂會舉行，無論空地與草地都聚集了人群。
為了解決基本需要，首先設立流動廁所。日本的流動廁所不像我們咁先進，一放就是十多個，男女可以共用，日本可不同，除了流動廁格，外加一帳篷圍起，那麼剛使用從廁格出來，首先見到的肯定不是路過的行人，而是還有一個空間可以整理自己，減少了尷尬。
至於垃圾如何處理呢？原來還有分類，紙類塑膠類不可再循環類，並不是由一個垃圾桶全部盛載，拋掉垃圾都要找到適合的垃圾回收桶，假期出來遊玩享受陽光，當中也有學習與教導的部分。
最妙還有吸煙帳篷。自問不吸煙，吸煙區與自己並無關係，但既然政府在香煙售賣中抽了稅，絕對無理由唔畀人食煙，除非香煙是違禁品，所以日本政府就算在一家大細玩樂的地點都會設吸煙區，獨立圍起來便可，入內吸個夠，又不違法。
單睇吸煙這回事，便知這個世界的左如何虛偽，又要抽稅又唔話畀人食煙，這是甚麼道理！
寫這篇日記剛看了世界盃十六強淘汰賽埃及敗給阿根廷2:3，結論還是一樣，輸波唔緊要，贏錢就可以了。
凡是職業賽事都是娛樂事業的一部分，千萬不要投入太多感情，只不過世界盃來到最後以國家為出師之名，那些熱昏的頭腦的愛國者才突然間愛國。
唔好睇得甚麼國際足球總會，甚麼歐洲足球總會聯盟，甚麼國際奧林匹克委員會咁神聖，搞比賽主要目的都是為娛樂和賺錢，無錢搵的話搵鬼來做。
好似世界盃，決賽週為何增至四十八隊（下一屆更有機會增加至六十四隊）？上一屆為何給卡達主辦？又點解要改到十二月舉行？點解無人問呢？
但係個離晒普叫領了紅牌的球員暫緩執行停賽，那位主席立刻應承，無人會覺得離晒普合理，但個主席卻無人追問，莫非唔關自己事所以唔問？
離晒普其實是那個說出國王無著衫的小孩，而且比那位小孩更頑皮，會把我們心中唔敢講的那句都會講埋出嚟，例如賽果造馬等。例如埃及射入的「詐糊」，如果真的犯規在先，為何球證唔早早吹罰？唔好話畀我聽球證（包括VAR，VAR根本就是垃圾）很公平，萬一真的決賽由摩格哥對埃及，仲點會有人願意捱夜睇波？到時係個個叫回水。
講咁多都係廢話，雖然直至今日（七月八日）為止無睇過一場世界盃，不過對於比利時、挪威有些少好感，本來還有日本，可惜輸給了巴西，還是那一句，落到場唔想贏咁踢嚟做乜！
2026年五月，亦是日本的黃金假期，因為有幾天連假，包括五月三日（憲法紀念日），五月四日（綠之日），五月五日（兒童之日）及五月六日（補假），聽聞各大旅遊區都會大排長龍，交通亦最為繁忙。
出發前唔知，來到才曉得，不過以我們經常經歷好像走難的「見識」，長崎唔算太多遊客，當然火車站附近的大型商場的確多了活動，對我們來說影響並不太大。
但對於找地方午餐就唔係咁容易，有機會需要等位，好像出島近海邊的位置，既是可以坐遊覽船往軍艦島，又是戶外活動的舉行地點，遊人眾多個個都要午餐，幸好我們來得稍遲，找了一處供應日式海鮮飯有分戶外戶內的餐廳，侍應初時以為我們喜歡坐在戶內，但當然會選擇戶外，喜其可以一面進食一面欣賞風景。
日本人對於新鮮魚喜歡生食，亦即刺身，其實係咪他們唔多懂得烹煮才如此，三文魚吞拿魚生食尚可，至於白鱲即鯛，大條的肉質容易有渣，並不是太滑，至於其他看每個人的喜歡，偶然一試無妨，可喜是日本所供應肯定新鮮。
日本到了現時仍有獵殺鯨魚、海豚的傳統，頗為血腥，為何到了今天食物豐富，為何繼續獵殺？不要說日本，北歐或是非洲部分遊牧民族地區亦有保持獵殺一定數量已非主要食糧的動物，包括鯨魚海豚馴鹿野生牛羊等，主要原因相信是希望能夠保持人類求生的本能，以及環境轉變中艱苦的掙扎。
時代變遷，人類本來也應該改變，但不知為何還會有食狗肉這回事。
找到舊同事送的充電池，外型由一輛已經消失的新世界巴士及巴士站組成，新巴巴士城巴巴士站，唔知邊個設計。
兩間巴士公司好像已經合併了三年，但係服務唔見有乜改善，削減路線當然有，削減服務班次更加，合併唔見好，皆因相信班高層個個都係扮做。
在facebook睇到十九才子講英國政壇，那位準備爭做首相的「賓含」（佢係咁譯）其中一段寫道：
『凡做個老闆的都知道，沒有本事的人，一上位就喜歡Change。因為缺乏substance，「改變」只限形式，必搶先裝修辦公室、傢俬改這樣改那樣，改新look，換新裝，先花一筆巨款。世界上所有的智商低端人口及城市，行為都一樣。』
皆因扮做。
難為了乘客，城巴點會仲有好服務！
翻找書架，找幾本唔想再保留的書送給廢紙回收，發覺其中一本可以出售，就是這本照片集《The Beatles Forever》。
這本書是以前替一間印刷工作，老闆娘拿過來問要唔要，一睇封面四個英國仔，正是The Beatles，當然要啦，就這樣擁有了已經三十年左右吧。
The Beatles當紅時自己未識聽英文歌，首先開始聽已經係拆夥後並由Paul McCartney組成的Paul McCartney and Wings的《Band on the Run》，唱片出版於1973年。
年紀輕或許會較喜歡John Lennon，大概以為好有型，《Imagine》呀《Give Peace a Chance》好大愛包容，但聽得多之後漸漸發覺往往都係空談，說出來好聽要做嘛就唔係咁易。
Ringo Starr因為打鼓唔係咁受注意，在以前和現在的特區香港，自問聽歌唔係咁主動，電台播乜就聽乜，電台少播Ringo Starr自然佢做緊乜都唔知，這就是少留意的原因。
至於George Harrison，四個之中算是較喜歡的一位，他彈結他出色所以會特別留意，亦有和他人合作，從前無youtube無Google無得睇，現在網上可以經常睇回他們的歌曲影片。
Paul McCartney和George Harrison商業上成功，至於John因為早逝可以停留發吓夢，好可惜夢亦早醒，論創作係咪咁好存疑。
在Google上找這本書的資料，從AI得到的答案如下：
學人附庸風雅，走去尖沙嘴香港藝術館參觀由康樂及文化事務署、故宮博物院與芝加哥藝術博物館聯合主辦，香港藝術館、故宮博物院與芝加哥藝術博物館聯合籌劃，公益慈善研究院獨家捐助的「園美生活──中外園林藝術」，其中兩幅莫奈《睡蓮》及《睡蓮池》由芝加哥藝術博物館借出。
入場費全免，所以特別多觀眾，也由於免費，似乎入場觀眾也無限定，小至幾個月大至一兩歲的兒童也可入場，由成年人父母以手推車帶同入場。年紀稍長的小朋友，約三至七歲同樣可以入場，把展覽館場地也變成一座遊樂場。
不知是否加強宣傳中西合璧，把中西不同風格的畫作同時展出，除了讓我們認識西方的油畫，更知道中國水墨，至於園林當然中西有別，東方講意西方講景，各有不同。
至於睇莫奈的畫是否一定需要和畫合照，來港的遊客看來特別喜歡，為文化沙漠添上熱鬧。
香港藝術館「園美生活──中外園林藝術」展期至七月二十九日。
據維基百科關於出島說明，「是一個曾在日本江戶時代肥前國（現在的長崎縣）長崎港內的扇形人工島、外國人居留地。在1641年到1859年期間，是荷蘭商館所在地。在鎖國政策實行期間，出島是日本對西方開放的唯一窗口。」
今天當然不是這個模樣，而是「1996年長崎市政府出支170億日圓，開始進行重建出島的工程。第一期工程在2000年完成，第二期工程在2006年完成，預計在2010年為止，在島上加上堀，回復扇形輪廓。」
回復江戶時代，但這條街長約兩百公尺內裏只有一條街，能否吸引海外遊客真係一個謎，特別是來自懂得精打細算的中國香港旅客。
巴士與電車很多時都會經過這裏，我們在附近落車，並不真的想去出島，而是出島以外的海鮮街及碼頭。連接復古的出島有兩座橋，鐵橋名「出島橋」，另一條「出島表門橋」，相信是新建的木面橋。以欣賞市容及風景尚可，要買門票入內嘛，應該唔係我們想去的地方。
自從多了VAR之後，既然係咁，不如以後由VAR來做球證，使乜又要吹停場比場，再由球證睇片咁麻煩呢。
從前旁證球證對於入波犯規有爭拗，現時有了VAR同樣有爭拗，有無其實都無乜分別，輸波當然賴地硬，唔通話自己技不如人？無理由啦。
今天的足球比賽是否好睇唔敢講，因為近年再無睇足一場比場，不過肯定歐冠、英超、法甲、西甲、意甲，甚至小型球場上的比賽都會比世界盃好睇，淘汰賽肯定比分組賽精彩，最好以後有六十四隊入圍，有錢收又大家歡喜。
三十二強淘汰賽德國負於巴拉圭，網上facebook有篇文記下了這件事，相當有趣，說明左風之下求仁得仁。全文如下：
後記：2006年已經無睇世界盃，精華片段睇過吓，唔覺得法國有乜特別。今天相信最開心肯定是義大利球員，因為個個度緊假。
講得誇張點，自從林尚義過身，義大利連續三屆未能入圍決賽周，就咁這十多年來已經無乜睇世界盃。
咁樣講未必全係事實，近年少睇足球，開始時的主要原因係要畀錢睇波，後來再加上賭波。自問無咁多錢睇有線更無錢賭波，後來youtube有精華片段，於是改為網上睇。
點解對睇波興趣日減？應該是與賭波有關。其實賭波從來都有，開始嘅時候只係你同我賭，後來賭波合法法，報紙上亦有波經，好似馬經一樣，講甚麼往績，唔講血統，記得有一次某位當年資深的體育版編輯曾經講過，如果足球比賽都可以講往績，咁仲使踢！而連講波佬都有投注，點會再有好的評述。
唔單係咁，賭波風氣日濃之際，那些只識賭未必識波的人漸漸變成足球專家，每當有足球比賽，無論土以耳希臘甚至不知甚麼地方的賽事，都有他們的專家預測，那些隊名幾乎都唔識讀，但又竟然可以照樣落注，真係服了這班專家。
自問唔多識，只是年輕時曾經踢過波，對足球也曾喜歡，但喜歡是一件事。年輕時曾睇本地出版的《足球世界》，那時的英國足球著名球員，每次接收訪問都會話職業足球比賽全是娛樂事業，上場必盡力表演。
娛樂再加賭博，職業足球比賽有多少認真？亦無必要放太多感情，輸波亦唔緊要最緊要有錢贏。
真係無興趣知道那些「專家」的心態，睇一場比賽等同睇一集電視劇，總之唔好睇話之係你喜歡的球隊，一樣照抦。
後話：點解有人認為日本對巴西日本一定會輸呢？落到場唔想贏咁踢嚟做乜！所選youtube並不是懷舊而是捱夜睇波大概由那時開始，而巴西、西德及義大利都是所喜愛的球隊，英格蘭嘛真係唔知點講，始終都係欠缺一啲。
當家中開始有電視，那時還是黑白年代，麗的電視節目之間多會加映短片，其中一首歌由Glen Campbell主唱，歌名早就忘記了。
Glen Campbell屬於美國很傳統的歌手，主持電視節目，主演電影與電視，當年當然唔知道，因為那時無乜外國娛樂新聞，這些都是後來互聯網普及才從網上得悉。
這首Rhinestone Cowboy在香港好像亦有上榜，算是Glen Campbell回勇之作，雖然翻唱，表達了努力追求總希望有閃耀的一日。
這又會想起佳視電視劇《流星蝴蠂劍》的主題曲甚中兩句：「一生一次光輝時候，已經罕有。」
「安德森之夢」中對Rhinestone Cowboy有介紹出處。
