白粥腸粉

　　大概上世紀（好像遠古）八十年代末以前，那時街上仍有很多大牌檔，早餐供應白粥油炸鬼，更有多款供選擇，鬆糕白糖糕，牛脷酥鹹煎餅煎堆，甚至裹蒸粽豬肉粽，至於粥，早上白粥碎牛肉粥豬紅粥艇仔粥，而款式又多，有時也覺花多眼亂。

　　由取締大牌檔開始，粥粉麵飯檔改為鋪頭經營，地方所限，供應的款式自然減少，味道當然比不上從前，可能味精這種東西太方便。

　　再加上年紀，有機會經過熟食中心，如果仍有粥檔的話，多數會點腸粉和碎牛肉粥。炒麵炒米粉已唔敢多食，牛脷酥煎堆唔係成日有，就算有都唔會叫，鹹煎餅很多時絕跡。

　　腸粉亦只有齋腸和炸兩，多不會提供牛肉腸蝦腸之類，因為無咁多人手，而且腸粉的味道真係有啲唔同，連豉油也不及從前。

　　未必一定覺得從前比今天好，而是受制於鋪租環境面積人工等，更不似日本人能將傳統化作神奇，雖然味道不一定更佳，可惜我們連這個求變的心也沒有。