遠眺維港

　　公司搬寫字樓，最後一日臨離開時，走在窗前可以望到海的方向，留下一張維多利亞港照片。

　　唔知係咪錢多得滯，每隔三幾年搬一次寫字樓。十幾年前明明新裝修成偌大的寫字樓，過不了兩年搬到市中心，說是方便市民，還新設多個辦事處，請多幾個人。

　　後來營商環境有變，市中心太貴租，於是改到工廠區，縮減辦事處，但係職員依然係咁多，於是改為自然流失，可是又請多幾個自由人。

　　瘟疫一來，結果又要合併，再次幾個單位搬到同一個地方，再次裝修，沒有了港灣搬進了石屎森林，本來無暇欣賞變成行少幾步路，重新適應後又找到另一個角落。

　　點解咁鍾意搬，相信除了有錢之外，唔係大家邊有咁多工開。