唔知畀邊個睇

　　朋友買了七欖套票，星期六唔得閒，於是給了我去睇。

　　散場出來，從加路連山道往禮頓道，至路口位，見城巴準備了25R接載乘客往灣仔金鐘蘭桂坊和中環，於是順路找巴士。

　　等候過馬路見對面的宣傳牌，中文當然睇得清楚，但係英文則唔係咁易睇到，皆因字體太細。

　　辦了幾十年的七人欖球賽，英文為「Hong Kong Sevens」，對象主要為外國人，香港也有人熱愛這種運動，但大多與外文有關，例如讀國際學校畢業，或與外資有關的人才有興趣，其餘特區香港人多數湊熱鬧，有免費門費才入場，否則根本無諗過會睇。

　　既然多數與外國人有關，宣傳對象亦主要為外國人，中文有亦無妨，但不用喧賓奪主。而現時的宣傳牌，英文幾乎細到睇唔到，如何吸引外國人乘搭巴士？

　　也許這間公司的宣傳部，配合「Hong Kong Sevens」，做事也咁乜Seven吧。