唔係畀我哋睇

　　某日鄉下婆拆開張用來包菜的報紙，攤開一睇，報紙是上個月即二零一七年十月二十五日的明報A15，全版刊登了「中共十九屆『兩委』名單」。
　　全版都是姓名、年齡和職位，其中正式中央委員204人，中紀委委員133人，候補中央委員172人，即是全頁共有509個姓名，另外括弧內寫著「按簡體字姓氏筆畫排序」，但內容卻全部繁體，咁點解不跟隨用簡體呢？
　　鄉下婆一見這張報紙立刻問：「全部都係人名，究竟有無人睇？」
　　大鄉里望一望，明白點解要用來包菜，但唔可以咁答，於是只好這樣說：「你有所唔明，特區香港的報紙咁樣做法當然唔係畀我們睇，報紙係印畀專業人士睇嘅……」
　　鄉下婆未待大鄉里講完已經續說：「明白，這些大報當然唔係畀我哋睇啦，我哋盲字都唔識多個，唔怪得包菜都嫌污糟邋遢，所以我哋唔會再花錢買報紙喇。」