荃灣雲南米線

　　去雲南旅行時食過雲南米線，每次食法都有多少唔同。傳到特區後各有各做法，但係米線的質感與雲南所吃到的唔多相似，似乎難以消化，或與年紀漸大有關，所以近年對米線有所抗拒。

　　前幾天因有免費巴士來往荃灣，去時坐了一程九巴，順道參觀由南豐紗廠改建而成的展覽地，除了展出舊時紗廠的操作，以及與紡織有關的電腦編寫，滿足了精神，之後亦要填飽口腔。

　　可持續發展改建本來可以為市民提供一個休閒的地方，亦可認識時代的變遷及延續歷史建築物，但大部分食肆並不是想嘗試的種類，於是改往愉景新城散步，可惜一入內被大批推銷員嚇怕，唔夠五分鐘退回天橋之上。

　　上地圖一睇，附近香華街街市及熟食中心有一間麵食，就在天橋另一面，於是快步前往。上樓梯時見指示牌寫著一樓二樓設熟食，上到一樓，只有一兩間店鋪開檔，顧客食著上海麵。自問煮上海麵應比得上他們，亦無理由去到咁遠食碗上海麵。繼續上二樓，一轉彎見有七八個後生仔女正在排隊，雖是大鄉里出城，唔使問可以一試，立刻和鄉下婆排隊，一於在這間老闆娘雲南米線食碗拉麵。

　　剛行入來時，剛巧有一男一女經過，聽到男的說了一句：「真係唔明白香港人點解咁鍾意排隊？」佢當然唔明，要排隊的店鋪未必一定好，但係要在攝氏三十五度以上的走廊內排隊等超過二十至三十分鐘，食物應該唔會太差。

　　炸雞美味，炸蝦膠豆卜都唔錯，湯麵足料，只因唔多食辣，所以未能完全試真拉麵味道，留待下次有機會及天涼後再試了。