汲水門大橋

　　以前都無留意，唔知點解凡中文名稱前面總喜歡加個「大」字，莫非驚死無人知？

　　例如鴨脷洲「大」橋，其實連接香港仔的橋稱為鴨脷洲橋已可，但係講時變成鴨脷洲「大」橋。雖然如此，路牌較直接，如鴨脷洲橋道。

　　青馬大橋更加要稱為大橋，如果只講青馬橋，或許無人知道其大。

　　汲水門大橋與青馬大橋連接，無個大字真係唔得。

　　照片拍攝於一九九七年前，那時機場與道路還在興建中，天空剛巧飛機經過。

　　但係點解汀九橋卻無個大字呢？

　　真係一個謎。