艇仔粉

　　雖已住在鴨脷洲廿多三十年，一向認為能夠碰上艇仔粉是一種緣份。因為每次——幾乎是每天——都唔見，偶爾才見在避風塘中經過。

　　從來無試過，只知這回事，大概艇仔粉如車仔麵，伴在湯粉上多數是油雞燒鴨叉燒，味道唔敢講，買相算不錯。

　　未知是否與Covid肺炎禁閉有關，近來多見停在岸邊，而且很多人幫襯，個個捧著一碗坐在碼頭邊公園內邊談邊說邊享用，好像很滋味。

　　自從地鐵通鴨脷洲，每逢星期六日和假期，多了全副裝備的行山客到來，剛巧能遇上艇仔粉，自然有一試名物的衝動，看著師傅一個人由酌粉斬雞一氣呵成，如表演一樣絕不欺場，看似簡單實際上早已預備了各款配料，才有幾分鐘下來送上一碗蒸氣騰騰的鴨脷洲和香港仔之間的美食——艇仔粉。

　　單看表演已夠吸引。