遲

　　已經遲了五十五分鐘。「唉，唔係好遲，比起以前都唔知早幾多。」
　　咁又係，以前根本沒有人類。
　　已經遲了四十五分鐘。「好彩，比起昨天足足早了十分鐘。」
　　係都要和差的比，為甚麼不和好的比？
　　已經遲了四十分鐘。「哈，和昨天差不多。」
　　昨天？是哪一年哪一月哪一日的昨天？
　　已經遲了三十分鐘。「喂，今日早了許多。」
　　的確係，比遲五十五分鐘確是早了二十五分鐘。
　　已經遲了二十分鐘。「係未早了許多呢？」
　　真懂得自我安慰，這也難怪，這些人所依靠的就是這種生活。
　　已經遲了十五分鐘。「盡了最大努都要遲，真係天無眼！」
　　沒有錯，天真是無眼的，如果天有眼，相信人類早就不存在。
　　已經遲了十分鐘。「係未呢，只要樣樣抓得緊，誰說不能早？」
　　原來遲了十分鐘也可以叫做早，咁就真係唔知怎樣才算遲？
　　試想想，如果登上了飛機或是火車，夠鐘又唔開又唔飛，坐在座位上唔知做乜好，要遲了五十五分鐘才啟程，之後個空姐或火車職員話你聽：「唔係好遲，比起以前都唔知早幾多。」唔知這班咁喜歡遲的「人」會唔會話這間公司的飛機或火車服務好呢？
　　絕對相信這是一個謎。