警察拉人

2014年6月6日
　　早上被街外一陣嘈吵聲吵醒，看一看鐘，約六時四十五分，莫非法國人七時未到已經出門返工？咁勤力，唔係幾似法國。
　　拉開窗簾往街上一看，原來兩部警車截停了一架私家車，不知前因後果，只見兩個警察從私家車帶走一名男乘客，然後叫他坐上警車。
　　昨晚找餐廳吃晚飯時，也見兩部警車停在街外，走下三名警察，迎面走過來，和他們擦身而過，個個身高起碼六呎，手瓜起，名師設計的制服，加上戴著法國警察特有前尖後尖的軟帽，高大有型。
　　旅館所在附近多是民居，咁早已經有警察追截拉人，法國治安真係變得咁差？這個是我們想當然，未能作準，也不要說法國人無咁早返工，當時巴士的候車亭已有乘客候車，另一個橫過馬路至巴士站。
　　之後如何沒有再看下去，反正起了床，於是準備吃早餐，可以早點出發，欣賞魯昂這個城市。