逛街睇教堂

　　雖說回旅館休息，大概半小時，主要卸下背囊和隨身物品，改帶小相機，準備悠閒逛街，感受魯昂大城小景。
　　這種電動巴士，好奇心驅使，每次見到都有一坐的衝動，不過車費實在有點貴，好像一元五角歐元坐兩三個站，兩個人超過三十幾港元，唔係幾捨得，況且沒有必要。
　　從旅館出來，改由另一條街出發散步，沿途見一些小商店，所擺設並不如我們平時所見的日常必須品，多了很多裝飾或書畫，連糕餅都好像藝術品，可知生活質素比地產霸權重要。
　　經過聖瑪洛教堂，這教堂比起其他小，可是華麗與精緻的濃縮版，附近亦顯得寧靜安逸，不像大教堂那邊多遊客。

　　法國人喜歡花已經唔使講，中國人較功利，好聽點叫實用，樣樣都問有乜用。有乜用真係唔知，做人做事最緊要開心，還要有自由，所以會見法國人無端端買幾支花，跟著笑容滿面輕輕鬆鬆回家，這才叫生活，雖然也要用金錢砌成，不過唔需要問有乜用。
　　順著路牌方向，已見聖旺教堂塔頂，也發現了魯昂的另一面。