「受難日」

　　前幾天坐在窗邊睇書的時候，母親在房間叫出來，問究竟那天係咩日子，點解日曆上印了紅色，「係唔係受難日呀？」
　　今年復活節比較早，在三月尾，這時已經六月，怎會是復活節呢，莫非母親還在看舊日曆？於是走進房內幫她睇睇。
　　只見母親翻開掛在櫃門上的月曆，揭至某一頁指著紅色的一日然後問：「放咩假呢，無端端紅色。」
　　因為只翻開月曆一大半，剛好遮了月份，看見除了星期日紅色之外，就只得一日這天是紅色。除了一月一日放假之外，還有哪個月份一日是放假呢？
　　上前整頁翻開，才看清楚母親所指的是七月一日這天，但七月一日放咩假呢，點解會係紅色假期呢，一時間想不起來。
　　讀書時的七月份好像沒有假期，八月份才有一天香港重光紀念日，至於英女王生日早就唔記得係邊日。出來工作之後，沒有多少天是在紅色日子包括星期日放假，所以一向甚少留意一年之中有幾天為何是假期，包括佛誕。
　　英治時代聖誕節有假放，因為跟隨英國傳統，但佛誕中國有假放咩？為何特區香港多了這天假期？至於七月一日這一天假期，也許如母親所說，為紀念香港受難也說不定。