溫泉

　　早前AM730的新聞籲港人返內地浸溫泉 陳茂波：唔需要去到日本咁遠其中兩段：

　　陳茂波指，港府需於本月至下月向國家發改委提交落實「粵港澳大灣區城市群」發展的初步想法，相信整個規劃年底前確定。是次未有考察深圳、東莞及惠州，陳茂波透露有可能再組團，多認識「兄弟城市」。
　　他認為，只要做好香港與珠三角西邊的交通配套，不排除港人會選擇到肇慶或江門等地退休，又鼓勵港人多到珠三角走走，「尤其是喺珠三角西（邊），我哋廣東話基本搞掂，食嘢亦都好習慣，各樣嘢好方便，咁嘅時候令到我哋香港人生活空間大咗好多……有啲人走去恩平住一晚，浸下溫泉，唔需要去到日本咁遠。」

　　睇電視新聞時，唔知點解當陳茂波講到「有啲人走去恩平住一晚，浸下溫泉」時，主持人笑連陳茂波都笑埋一份，咁係咩意思呢？
　　陳茂波講「兄弟城市」。無論怎樣，特區香港始終是特別行政區，論地位或無直轄市咁重要，但大概應該也和省會，或再降一級與省級直轄市相比，即廣東省的廣州，雲南省的昆明等。再降一級的話深圳特區也許對得上，但東莞與惠州？怎能稱得上「兄弟城市」。你和人家稱兄道弟，哪個是兄哪個是弟有沒有問過人家？
　　以前曾有一句「中國地大物博，多奇珍異寶」，講得無錯，中國的確地大物博，今天更超英趕美，智能電話比美國牌子功能更佳，電視六七十吋比日本韓國更廉宜，電動汽車、石油、煤炭等幾乎講得出中國都有，但係點解特區香港政府卻無比任何人快一步率先使用中國貨呢？至於浸溫泉，如果財政司長一家人在恩平溫泉浸一次溫泉而且自拍一張放上網，相信唔使你講，自然有班愛港愛國的人湧到恩平，話之恩平係海角天涯。