艇仔粉

　　自從南港島地鐵線通車後，鴨脷洲大街似乎多了一些食肆，利東商場亦曾裝修，但始終係鄉下地方，唔會因為多了地鐵站而改變，好像粉嶺上水，無話有了火車之後變成市中心。
　　最近經過，見開了一間售賣艇仔粉的小店，於是入內幫襯，雖然有售賣其他食物，不過只點了艇仔粉，話晒有香港仔避風塘的特色。
　　所謂艇仔粉，應該係指專門在避風塘出售粉麵的小攤檔，以小艇經營，所以俗稱艇仔粉。一般粉麵鋪頭供應離不多魚蛋牛丸牛腩之類，但艇仔粉則多了燒鴨叉燒，一碗粉內有齊各款食物，像車仔麵一樣，但比車仔麵豐富及檔次高得多。
　　艇仔粉一碗四十元，也不算廉宜，端出來時擺設美觀，味道可口，鹹淡適中，店鋪內寫明湯底以大地魚淆製。
　　記得以前還聽聞以蝦殼煲湯，現時特區香港漁獲減少，能夠製魚蛋和煲湯底所須的魚比不上從前，所以今天的味道已經不能和往日相比。
　　不用味精減少鹹，落足材料用心烹調已經足夠，但為何近年很難找到美味？皆因鋪租太貴，無人願意花功夫，大家都講快的年代，再無人有任何要求了。