有人請睇戲，於是去了睇五腥級盛宴。
電影院係設施最好的一間，座位可以向後靠，走廊通道極寬敞，保證唔會踢到椅背，還有可以放出承接腳部的裝置，讓觀眾幾乎可以躺臥式觀影。
電影好睇難臥，唔好睇可以瞓，但好唔好之間應如何？都係坐直算吧。
入場前無睇過介紹，憑預告大概知道帶黑色。有人說電影有很多隱喻。明的話或瞭解，唔明就等於無。而最唔明的地方，懲罰那班貴賓或說得通，但全部人都要死（包括其餘廚師保安侍應）則無人問過明白，唔多似西方人的精神。
近十年個個人都講初心，但初心其實係乜？回到從前？回到石器時代？回到自己未發迹之時？還是利用初心矇騙世人？
真的要講初心，你的初心和我的不同，為何一定要跟隨你的初心？況且你的初心根本就是錯，咁初心應該是怎樣？
真的要講初心，你們還可以選擇，當初選擇喜歡對住一班阿諛奉承，而自己也是其中一分子，風光一世後，再和別人講初心，咁初心只是騙人的技倆，並無這回事。
你說顧客各有代表，如今世界無論一間餐廳一個行業一間公司一個社會甚至一個國家，大概也如此分類，並非全部人死光世界可以重來，僥倖生還也不值得笑，因你還是一個人——如果可以稱為人的話，或只剩下你一個。
美國電影有言論自由，無必要有太多隱喻，嘲諷已可，但小嘲小諷無補於事，開始時講得太大，結局唔夠震撼，實際都係夢一場。
演員無太發揮，對手戲亦不多，基本上只得一個人做戲，觀眾難有共鳴。
美國電影始終有些浮誇，日本電影或者能有更好表達，亦來得更冷酷。
沒有留言:
張貼留言