上機

　　這次飛羅馬依然選乘卡達航空，要轉一次機，中間等候時間約兩個半（去程）至三個小時（回程），不算太長，但適合已經放慢腳步的人。

　　三年來再次上網購買飛機票，發覺有了不同，從前顯示來回程的價錢，現在則去程一個回程一個價錢，相加才是正確付費價錢，比之前約貴了二分一至一倍。大概全世界停頓了三年有多，係時候取回失去了的成本。

　　卡達航空不會最平，也可選擇東方或南方航空，不過要先飛北京，能否准時要看運氣。另外就是卡達航空可以即時選擇座位，不收額外費用。

　　能夠網上辦理登機手續最佳，到機場放下行李便可，一般也不用排一條較長的隊。

　　登機時雖然喜歡左轉，夢醒則繼續轉右，經過忙碌的通道，永遠也不明白，點解個個人都咁多手提行李？除非托運行李要額外收費，否則每個人25至30公斤的行李，足夠打爆一個大喼，無可能唔夠用，或許他們替換的衣服多，又要出席宴會又要去飲西裝都五六套，又文件又手提電腦，難怪頭頂的行李架永遠不夠用。

　　妹仔望望自己個袋仔，只有一件外套一本小書濕紙巾潤膚霜這些雜物之外並無其他。係，無錯，還有個智能電話和充電線，真係有些自卑。

　　軍仔個袋大一些，都係多個水壺同藏身用的袋，近年怕凍，另加一條小頸巾和帽。