我係阿豬，我有幾個名字，英文名都有，係叫阿Ham，中文名則是阿潔，其他好像阿勢（阻頭阻勢），豬豬等，但網上的日劇翻譯小組——豬豬字幕組——可與我無關。
至於哱哱㲳，廣東音為「砵砵瀄」。查字典，卻查了個「擳」，例句為「擳都唔笑」。誰對誰錯唔緊要，阿豬只聽聞哱哱——即全名哱哱㲳——已定居在意大利。
捋捋與哱哱都是阿豬的朋友（還包括貓仔狗仔），捋捋經常在早上出現，也經常嘈住阿豬睡眠。至於哱哱，之前曾回來渡假，偶然有封信講佢在意大利的故事，更有照片，令阿豬非常羨慕，唔知幾時可以去意大利探哱哱呢。
可是阿豬好深閨，甚少出外旅行，因為要照顧別人。
每當妹仔出外渡假，阿豬便每天都很忙碌，提早預備下午茶給Snoopy，因為史諾比已係一個老柴，雖仍充滿精力，但行動開始緩慢，卻欣賞優雅的生活，下午必定嘆個下午茶，一杯紅茶或加奶，另加一件餅，然後躺臥窗邊，看着浮雲變化。
其餘阿稔阿白等一樣招呼周到，唔介意燜豬腩，更不怕買叉燒，劏魚手勢一樣咁純熟，可是阿豬係食齋嘅。
阿豬還有其他喜歡的事，例如最鍾意聽妹仔講故事，好像某個雨夜，紅棉道巴士站傳來的歌聲，經過杏花邨都要講一次的往事，就這樣編織起來連成一串的故事，每次阿豬都會聽到入晒迷，而每次都會問妹仔：「你點知呀你都未出世？」妹仔就會話係軍仔講畀佢知嘅。
「唔知呀。」而每次軍仔都係學着阿爺的語氣回答。
