環保

　　以前幾個細路踢完波，夾錢買支大樽裝可樂（玻璃樽），只用一支塑膠飲管，每人飲兩啖，都唔知幾開心。

　　今天出外行完山，天氣熱熱地，於是買支可樂兩份飲，無用飲管因為紙做，聽K Kwong講紙好多化學物質兼唔多環保。

　　雖然無用飲管（紙），但係成支可樂樽係由塑膠製成，咁應該飲還是唔飲呢？

　　同意K Kwong所言，環保應由源頭做起，即「源頭減廢請減少人類」（【全民走塑】紙木製餐具未必環保 化學博士K Kwong：用多了能量又不可回收）。

　　外賣必然產生廢物，無論膠好紙好，那些全不是天然，至於可否循環再用或再造，其實咁多年來都唔見有人或有工廠拿出實物出來，至多係張再造紙，但再造紙的生產過程，可能比一張普通紙更不環保，所花多的能源與資源更多，這又應該從何算起才能環保？

　　塑膠是否真的十惡不赦？其他不說，如果有入過醫院，便會發覺醫院內的大部分用品，無論緊急還是非緊急都是以塑膠製造，好處係用完即棄，減少傳染。插喉係塑膠輸氣管係膠輸血管係膠，如果無膠用，相信命都無。

　　消耗與浪廢是兩回事，外賣食餐飯必然要消耗，用紙唔見得比用膠環保，而且浪費地球更多資源。

　　有人出來講習慣，的確習慣可以改變行為。同樣，返工搭巴士坐地鐵步行都係一個習慣，為何他們卻要坐名貴汽車和請個司機開車呢？今天講環保，其實和獨裁極權國家的做法無分別。

　　由買餸挽個買餸籃出街，買斤豬肉用條鹹水草，到今天的網購，我們又浪費了多了呢？

　　掉垃圾時見隔離屋網購得咁高興，既不整理也不分類，垃圾全由清潔工人處理，報章電視卻為了唔用膠飲管做了頭條，相信環保這事離我們愈來愈近了。