下午茶

　　從朋友家中出來，已是下午兩點幾，約十分鐘已步行回Arnold中心，找到一間Birds Bakery in Arnold連鎖店，一於入內飲個下午茶。

　　英式下午茶，真係飲杯茶食件點心。英國人喜歡飲茶，茶葉主要來自印度斯里蘭卡等亞洲地區，調製而成的茶葉，沖出來有點嚡和寡，他們喜歡加入奶和糖，糖如今少用，所以多數只有牛奶，有了牛奶中和，變得較滑易入口。不過聽聞英式奶茶的牛奶必經冷凍才為正宗，我們沒有研究，只為享受英式的悠閒。

　　那個我們稱為沙翁，味道有水準，即沒有中間圓圈的冬甩。蛋撻嘛，或許我們食慣港式，當然會覺得不滿意，這個不太重要，重點是他們會放入焗爐先加熱，這才是服務。

　　飲好下午茶，到附近的超級市場購物，待回港送給朋友。英國物價比歐洲其他地方貴，可是部分貨品竟然比特區香港廉宜，以茶葉計，四十包一盒售1鎊75（約18港元），八十包只售2鎊多一點。肉類有冰鮮與急凍，價錢同樣較平，蔬菜沒有同款難以比較，薯仔麵包唔使講一定值得購買，所以英國也多肥人。

　　成日聽才女講英國物價點貴，話月薪一千幾百鎊點生活？連一塊牛油都賣四至五鎊，今次一睇，原來賣四五鎊係成1000g，但在特區香港一塊200g都要三四十蚊，貴咗幾倍。