死得冤枉

 　豬明明識泳水，看過幾日前小豬救小羊係人都知，但係唔係好明，點解有隻野豬係海怡半島對開游水，有市民報警，係都唔畀隻豬游水，結果嚇到隻豬死埋，真係無陰公。
　　人有人生活，野生動物有牠們的世界，有自然有自然的秩序，奈何人類總喜歡扮有愛心，見貓爬上簷頂，報警；見野豬游水，報警；見飛鳥跌在地，報警；見鯨魚游上岸，報警。
　　人類如果真係咁有愛心，點解唔多點愛護大自然？
　　在此說明，如果動物曾經求救除外，貓爬上簷頂跌死，可能是牠不小心；飛鳥跌在地，可能經歷生老病死；鯨魚游上岸，可能抗議人類狂捕濫殺，野豬遊水，見人圍觀點敢靠岸。
　　知其原因，除非騷擾了大家的生活，否則最好躲在一旁靜靜欣賞算吧。
　　不過從來都係人類打擾動物生活居多，會有誰為動物哀悼？

附爽報：不知擅泳強行拯救　消防員誤殺陰功豬

　　【本報訊】昨晨6時許，香港仔鴨脷洲海面發生浸死野豬命案，野豬女豎尾抬頭游早泳引來市民圍觀，有人擔心豬女遇溺報警。消防員出海營救，以繩索套住豬女頭肩，再沿海拖到兩公里外碼頭登岸。但野豬女狂嘔白泡氣絕，一命嗚呼。
　　命喪大海的野豬女身長1米半，重60公斤，已成年，估計棲息在鴨脷洲島上，初步懷疑野豬女遇溺身亡。就發生「救豬命案」，漁護署指野豬懂游泳，市民發現野豬游水不必理會。
　　消防處則解釋，當時擔心野豬氣力不繼遇溺及影響船隻航行安全，便採取營救行動。加上野豬具有一定攻擊性，消防員未能將之救起，於是決定用繩索套在豬身上拯救。
海中拖行兩公里
　　近1小時後，消防員登乘水警小艇靠近，用捉狗索套着野豬頭肩，將之拉近艇邊，當時野豬女仍然清醒，可是現場附近沒有碼頭，消防員將野豬女沿海拖行兩公里，到利南路碼頭登岸。現場所見，當時野豬女一度掙扎抽搐，但由消防員拖上岸時突然口吐白沫，氣絕而亡。