回歸多好

　　記得早年管理處曾經貼出告示，大致說農曆新年期間，不要給管理員派利是。以前因為沒資格派利是，所以也沒有多大留意。
　　但又不知從何時開始，每逢農曆新年，大家都喜歡派利是，無論自己居住的大廈管理員保安員，連去到別處的管理員保安員也派，甚至三唔識七十年都唔去一次的餐廳酒樓侍應部長也派利是。
　　近年更聽聞上司要給下屬派利是，連政府工都係咁。
　　有錢嘅喜歡派利是又何妨。
　　講到這裏，做了幾十年政府工愛港愛國的立刻大聲疾呼：「自從廉政專員公署成立之後，做咗咁耐都未見過有人派利是。這種風氣好似近十年才流行。」
　　講起又好似係，十幾年前廉政專員公署在，有誰敢公然大派利是？政府工無，給下屬無，管理工無，保安員更加無，如今廉政專員公署依舊在，卻變成個個派個個有，幾中國特色，你話回歸之後有多好！