勒阿弗

六月九日
　　這天是聖靈降臨主日假期，全日只有四班巴士前往勒阿弗，不知是否知道我們要離開，艾特塔下起毛毛雨。
　　這裏經過幾次，未有留意原來有間洗手間，如今等巴士才發覺在身邊，無人看管，不過唔等於免費，內裏放置一隻小碟，應該是費用隨意。
　　巴士準時到達，從艾特塔離開的遊客不算多，但沿途返回勒阿弗的乘客陸續上車落車，不知是否回家過節。
　　個多小時回到勒阿弗巴士總站，乘客下車後四散，街上又回復冷冷清清，偶然見到行人都是匆匆而過，除了對面的士多有一兩個顧客坐在門前，不要說行人，馬路上連車都唔多架，唔通法國人真係咁傳統，喜歡回家或去了教堂？
　　唔好理咁多，先找了預訂好的旅館放好背囊，然後出街吃午飯，未行兩條街已開始下雨，只好先返回旅館睡個晏覺再算。