禽流感

　　自從發現禽流感有機會傳染給人，只要雞籠裏或是雞場中有一隻雞染了禽流感，全世界所有政府都會展開大規模殺戮，將全場所有家禽包括雞鴨鵝鵓鴣都要消滅。
　　一兩隻染病就要全部殺死，如果是人類會唔會這樣做？雞鴨鵝畢竟會問，點解要趕盡殺絕？
　　雞鴨鵝和其他家禽條命生得賤無得講，但點解班自命正義上身的新聞工作者，每次發生禽流感屠殺雞鴨鵝之時，出外訪問都係問一班只係識得食的人：雞咁貴點呀？無雞食點呀？過時過節無雞點呀？點解這班咁正義的人唔去訪問吓雞鴨鵝？
　　今天對如此大屠殺好像理所當然，人純化雀鳥成家禽就只為食？本來無論耕種飼養為人類提供糧食無所謂對錯，但弄至今天的浪費究竟是何原因？產品出錯整批銷毀，無疑浪費資源，但銷毀農作品家禽牲畜，不要忘記，農作品家禽牲畜全都是有生命，不要話殺就殺問題便可解決。
　　吾等愚民唔識唔知道都唔緊要，有班只懂食唔理其他都唔緊要，但係一班正義化身的高級上等人，無去研究點解探索真相，每次發生禽流感就去做一些最容易的事，走去街市問無雞食會點雞貴會點的問題，須知今天富裕地區只有食剩浪費，絕無間中某一兩種食糧無供應而產生飢荒。
　　有時不禁覺得，無疑獨裁專政固然可惡，偷呃拐騙欺凌弱小埋沒良知亦可恨，但人類社會有一班咁正義的人不務正業口是心非販賣無知厚顏無耻已經稀有，相比之下更加可惡與可恨。