睡晏覺

　　十一點幾已經回到巴黎聖拉扎爾火車站，沒有時間留意周圍環境，只想早點找到旅館放下行李。跟著Google地圖指示沿斜路前上，之後右轉再右轉，第一眼唔係見到金子旅館在哪，而是見著紅磨坊那一座紅色的風車磨坊。
　　時間尚早，旅館並未預備好房間，於是將行李寄存，然後出街食晏。
　　回到國際都會，有些不適應人多車多，好像處處充滿危險，不敢太過張揚，於是轉入另一條向下的斜路，信步走到巴黎天主聖三教堂，不想再走太遠，就在附近選了一間露邊茶座點了咖啡和三文治，一面欣賞巴黎街景，以及適應急速的腳步與繁華的都市。
　　以前曾來過巴黎，同樣匆匆而過，沒有留意步伐的快慢，如今暫時未分清東西南北，看著車來人往，先感受租金的昂貴。換作魯昂或卡昂，同時坐在露邊茶座，點了咖啡果撻之類，基本上喜歡坐多久都沒有人理會，但在巴黎，當你飲飽食醉之時，侍應會在前後繞圈，暗示或明示一係結帳一係繼續吃喝，我們也無謂糾纏，結帳離開。
　　沿著大街繼續向前行，又來到歌劇院前的機場巴士站。記得大概十日前來到巴黎經過歌劇院，當時拿起相機拍了兩三張照片，以為今次旅程中不會再來，想不到因為火車罷工，始終和巴黎有緣，但只剩一天時間，又可以去哪裏呢？
　　見時間接近下午二時，於是原路返回旅館，取了鑰匙，拿了行李上三樓放好，推開窗，又見紅色的磨坊，最主要亦見藍天白雲。終於返回巴黎，似鬆了一口氣亦覺疲倦，都係唔理咁多，先睡一個晏覺再打算。