簡單晚餐

　　外出了一整天，幾乎天黑才回到十八區即紅磨坊對面，感到街上人多嘈雜，唔知發生咩事。
　　已無力再行遠，在附近找了一間小餐廳吃飯餐。如果不是睇回照片，已經忘記了當天吃過甚麼，所以旅行出遊吃飯之時點都要讓相機食先即係影番張相，唔係唔知食過。
　　我們餐牌也懶看，點了兩款三道菜沙律主菜甜品，另點了一瓶礦泉水，沙律未到已經飲了大半樽，大概猜到今天缺水情況。至於味道如何，不要說今天重寫時已全然忘記，就算當天食時都應該無乜印象，食只為生存，這餐食不好也沒甚麼大不了。
　　或者與趕時間有關，因為明天便要離開巴黎，結束今次的旅程，回到旅館還要收拾，所以全程坐唔夠三十分鐘，除了在香港之外，速度最快的一餐。
　　回到旅館，一面收拾行李一面打開電視，睇睇世界盃分組賽由邊兩隊上場，才知其中一隊是法國，怪不得剛才成條街都係人，個個去酒吧茶水檔睇波。法國隊非自己所好，另一隊已經忘記了哪隊，忙於收拾無時間留意，待一切妥當準備上牀時，街上傳來歡呼聲，唔使講，一定法國贏波。人群開始從四方八面湧到街上慶祝，口哨聲叫喊聲此起彼落，伴著我們進入夢鄉。