忘川

　　母親早上外出，話要去老人中心開會，於是帶開玩笑和她說：「係咪去開大食會呀。」
　　她一邊穿鞋一邊說：「唔知係咪老咗，愈來愈無記性。婆婆（即係母親個阿媽）話愈老人就愈懶喎。」
　　係咩？唔覺得母親無乜記性，她會記得幾個孩子（今天當然已不再是孩子）邊日出世，不過係農曆，有幾個甚至連幾點生都記得，點會無記性呢。有時和她講起某一日，她也會說那一天所發生的事，好像回憶起過去，也好像想起了當天的日子。
　　以前聽人講過，人在死後會經過一度橋（奈何橋？），之後將過去一生曾經經歷過的所有事情全部忘掉，然後重新投胎，做人也好做狗也罷，總之就是忘記以前一切，重頭再來。
　　係咪真係咁呢？當然唔係好相信。
　　記憶確實會隨年齡而衰退，除了是毛病與年齡之外，其他因素相信與人有關——並不一定忘記，而是覺得一切都捉不住。
　　想起了很多年前的一首歌「忘川」，我們想忘了一切，也想記起一切，我們慨嘆不再擁有，但我們滿足於曾經擁有，我們悲哀已經失去，但忘記不了當初的希望。