泰國廣告

　　多年前有一段時間工作比較無聊，於是上網睇短片，無意中睇到一段泰國保險廣告，因為畫質較差，看過便算，內容最妙係原來全世界的人都覺得保險經紀都像曱甴（蟑螂，曱甴或不能顯示）一樣令人討厭。
　　二十多年前曾買了一份人壽保險，那時個經紀話只要供十年八載便可供完，以後都唔使再供咁講。結果供到今天仍然要供，咁都算啦，反正都係供畀自己或受益人。上幾個月，某個保險經紀又說買保險，於是將二十幾年前的事告訴他，誰料他說當時那個經紀係呃人才會這樣說。這隻曱甴真係唔識做人，二十幾年前的曱甴呃人，難道今天你唔呃人嗎？



　　另一段都是保險廣告，拍得甚有電影感，廣告來自大都會人壽，更有廣東話版《爸爸的故事》：為子女圓夢｜大都會人壽。
　　泰國廣告好睇，並不是如台灣翻譯所說的「感人」「催淚」「哭崩」之類，而是從廣告中可見農村偏遠地方、中下階層與貧窮一群，證明社會對他們也許照顧不足，但肯定仍有關懷。



　　拍一個廣告，睇完整個故事都無出現過賣廣告的產品，一九九七年以前香港也甚多精彩的廣告，近年跟隨祖國驚死無人知賣咩產品，不要說睇電視節目，連廣告也不睇了。反觀泰國，連LINE的廣告也與別不同，懂得賣溫情，不像鄰近地方與特區香港，全部都係得個嘈字。




　　日本廣告都很出色，無論怎樣，絕對不會因為看了這個廣告之後走去買一部東芝的投影機，但係會對這牌子與產品留下印象。



　　另一段是日本一間音樂學校的廣告，雖然沒有中文字幕，一切用音樂來表達。施比受係未更有福真係唔知道，不過肯定心中富有。至於「水上足球場」的銀行廣告，除了認識這間銀行，同時也認識了泰國這個地方與這支足球隊。
　　這就是廣告的功效。