早餐

　　之前去旅行唔多喜歡在旅館食早餐，唔係唔想食，主要為慳。
　　附設早餐的旅館，一般比無早餐貴約八至十六歐元，整個旅程要住十天的話，全程可節省超過一百歐元，以一兌十計，差不多整整一千元港幣。
　　錢無疑慳了，但要花時間每天準備早餐，可以煲水的話沖杯熱飲，卻要事前準備即溶咖啡或奶茶，麵包只能食兩個，太少唔夠飽，太多要留待明天食隔夜，有時候的確是樂趣，但趕時間的話只能出發後才吃，旅行體力消耗大，未過兩個小時精神已經下降，要找地方休息。
　　這次旅程住了三間旅館，同有早餐供應，提早預訂有折扣，倒不如留在旅館吃早餐，給旅途上一個小改變。
　　早起對我們來說不難，只要早睡就可以，某次搭巴士聽到別人談論美國治安，說在那裏生活必定要在晚上八時前回家，不然天黑之後就算你係警察都唔能夠絕對保護到你云云。雖然未必全美國或歐洲都是如此，但扒手多罪案率高早已聽聞，出外旅行時我們同樣抱著這個做人態度，晚上八時至九時一定回到旅館，十時至十一時已入夢鄉。
　　吃過早餐，準備好當天所需然後出發，也因為很多時都會貪食而食多個麵包，飲飽食醉精神自然飽滿，至中午時不會覺得太疲倦，而且也不用太早午飯，更能善用時間。
　　ibis供應的英式早餐，牛角包沒有法國咁多牛油，麵包麥麵烘成多士搽上果醬非常好味，草菰新鮮，至於茄汁豆，相信只有英國地方才有得食——英式早餐嘛。