未出世

　　最近睇了「回歸」二十周年的短片，只覺得特區香港就只有二十年，之前的香港呢？
　　唔知呀，因為我都未出世。
　　六四剛過去，之前從來都無人問過唔去遊行集會會點，去遊行集會又會點。唔知點解，近年多了人講，係講自己點解唔去遊行集會。
　　去與唔去係你的自由，為何要向別人解釋？聽到最妙的一個原因就係話自己係「九十後」，根本唔知一九九零年以前發生過咩事。
　　這個論調和中共宣傳頗相似。近年中共所講都係改革開放三十年來所取得的成果，但之前三十多年唔多想講，包括毛澤東周恩來大躍進文化大革命等，香港則是偷渡潮六七暴動簽訂中英聯合聲明。
　　為何如此？正是不想你知道以前發生過咩事，今天國富家強，講以前幹甚麼呢？現在人人有樓有車，難道想回到以前只得部舊單車？
　　本來這是中國的宣傳，難得特區香港「九十後」的思維方式和中國咁相似，怪不得有人不斷無事生非，為鞏固地位，不斷給自己製造敵人喇。