唔識講

　　剛過去星期日投票補選立法局議員，至於要選誰唔係好清楚，只知希望能夠送返失去議席的議員入局，就係咁簡單。
　　為何要補選？特區政府和一些人唔想某些人有被選舉權以及剝奪選民的權利，既然如此，特區政府和一些人唔想某人或某黨的人入局，手拿選票的選民好應該做相反的事，因為樣樣都跟隨政府，咁樣等如無得選。
　　星期一拿起一份免費報紙，內有一篇「點解仲要含淚投票？」，睇完唔知佢想講乜。成日問有咩用和「到底發揮過甚麼作用」，其實咁樣講真係有咩用？或許這些人外表像激進，內裏卻和特區政府有同一想法也說不定。
　　每個人手上只得一票，投票只是一種態度，無話一定有用或能改變甚麼。既然想改變，由投票開始，清晰知道自己想點已經足夠，至於投票後怎樣，當選與否或仲衰過對家又如何？
　　今天的人很奇怪，無論搞政治或手拿一票個個都好似有潔癖，又唔係叫你殺人放火，為求勝出管佢毒唔毒，既然你可以投票，真正選舉時才投給自己喜歡的那個也未遲。
　　至於曾鈺成跟李柱銘打麻雀，兩個是對手又唔係敵人，為何不可以打麻雀呢？
　　都係唔好講咁多，再講落去可能連漢賊不兩立都講埋。