英航廉航

　　從倫敦希斯路飛葡萄牙里斯本，航程二個半小時，大概比香港飛上海稍遠，每日有多班直航，由於競爭大，雖是英航，相信亦以廉航模式經營。

　　候機室地處偏遠，機場內不時提醒旅客注意登機閘口隨時有變，所以要預留步行時間。約一小時前已發出登機訊號，大概步行十分鐘到達，經過櫃檯檢查機票及手提行李，過大及過重要托運，有否附加費不得而知，因我們只有兩個斜孭袋。

　　英葡相距不算太遠，很多英國人喜歡到西班牙葡萄牙渡假，那裏的天氣比英國的濕凍好得多，而且物價亦比倫敦廉宜，所以全機滿座，乘客多見一雙一對，少見商務客。

　　有點似內陸本地航線，排隊登機坐好唔等於可以推出跑道，中間會有一個過程，或等一個人或檢查清楚，不像國際航線趕頭趕命。這樣有一個好處，可以立刻適應這裏的節奏，等候時大可拿本書出來睇幾頁，坐窗口位靜靜欣賞窗外情景，天曚曚的天氣，熟悉的銀行標誌，和慢條斯理的工作人員，一切都在掌握中的操作，唔會太早亦唔會遲。

　　當飛機開始推出滑行至跑道排隊起飛，當空中小姐派來一張馬莎M&S的食物餐單時，妹仔不禁疑惑，難道英航沒有早餐供應？咁點算是英航呢？想著想著，飛機已起飛，一於無你咁好氣，坐好留下合照留念——依然笑容滿面。