加片羅勒

　　從前睇電視的外國烹飪節目，很喜歡在食物完成前加上一兩片羅勒，而且還從花盆中直接摘下來，洗都唔使洗。

　　現在好啦，報紙唔使睇，電視都係唔使睇，大把時間，於是學人種羅勒。

　　經過花墟買了一盆，從網上——遲點可能一樣唔使睇——睇點種羅勒，才知道羅勒屬一年生，之後可以用種子或探用扦插法栽種，看來要花一點功夫。

　　至於所買的品種屬於哪一種，沒有詳細詢問，不過見那幾片葉與日常食用相同，這天弄了肉醬意粉，學人摘一片放在上面，出現了意大利國旗的顏色——綠白紅，味道立刻提升了不少。