腰包

　　不知何時開始流行腰包這回事。

　　從前喜歡兩梳蕉，後來要帶身份證，又唔知放係邊，於是買個銀包。

　　小時候只有父母有大門鎖匙，每次回家多數敲門或門外叫兩聲。後來夜收工自然多了一串鎖匙在身，兩個後袋幾乎唔夠放。

　　再後來唔使講，又call機又電話，幾乎全副身家掛在身，於是有了腰包這回事。

　　從來沒有腰包，鄉下婆送了一個，比普通腰包實用，並不掛在前，而是縛在後，稱之為單車腰包。

　　這個腰包的確實用，可以放水樽，筆，救傷用品等，唔放水樽可以放相機，甚至多放一個鏡頭，行山遠足方便得多，空出兩隻手幫助攀爬。

　　可是這三四年來唔好話旅行行山遠足，幾乎連街都唔想出，腰包暫時退隱，留待日後再出發。