九巴報站

　　早上過海返工，先坐171P，唔使十五分鐘已到了海底隧道收費廣場站，轉乘107去九龍城。

　　住在港島區，唔係坐城巴就係新巴，除非個報站顯示壞，否則極之準確，保證唔會落錯車。

　　過到九龍，城巴新巴會顯示「海底隧道收費廣場」，但係九巴則是「紅隧轉車站」。去到「富豪東方酒店」，九巴則是「九龍城轉車站」。

　　點解九龍新界會有咁多轉車站，究竟係咪可以不用再繳費便可轉乘？九巴無講明。

　　九巴轉車站雖多，但係車上的報站系統卻不是這樣準確，當時巴士已到土瓜灣天光道，車上的顯示器一個顯示「南洋酒店」（仍未過海），車頭一個顯示「紅隧轉車站」，如果唔熟路，都唔知自己去到邊。

　　既然係咁，九巴不如改回從前以人手操作，每過一站，由司機按掣，更不會經常出現同一句「請緊握扶手」悶到乘客頭暈。