入境

　　意大利海關分兩條入境通道，一條使用EU即歐盟護照，一條非歐盟，而早上到達的航班，多來自非歐盟國家，包括美國。

　　但千萬不要以為拿美國護照的旅客會排在非歐盟護照的一行，原來最近護照的使用有所更改，凡可以使用晶片並已登記的旅客，亦可以排在歐盟的隊列中，不用三十秒已可入境。

　　現場有海關人員指導，剛巧有班機來自美國，唔使五分鐘已全數過關，我們仍然排在三五百人的後面。

　　排隊時不禁想，特區護照應該和美國護照一樣待遇吧？因為去歐盟國唔使簽證，於是嘗試向海關人員瞭解，她望一望本護照，她亦當然唔知甚麼香港特區護照，應該係見封面上有佢唔識的中文字，於是立刻答「No」。

　　真係無面，於是繼續扮傻，咁本BNO得唔得呢？海關小姐當然亦係唔識乜嘢BNO，但封面有咩「Great Britain」幾個字，原來答案係可以嘅，雖然英國已脫離歐盟，但晶片有效，同樣可使用最新的護照掃描器，即係可排在歐盟護照的行列。

　　咁樣都得？咩世界？