污點

　　對於麥當勞，講唔上喜歡但又唔抗拒，唔會主動去食，多數走投無路才會食個漢堡包。

　　原本在帕多瓦食埋晚飯才回博洛尼亞，可是一離開了主要民居，附近找不到餐廳，咖啡鋪亦陸續掛上休息牌準備關上大門，連在火車站附近的一間似乎還在營業的咖啡鋪，三文治也售罄，只好返回電車路再尋找。

　　大街上有一間小鋪，供應的食物並不似由意大利人主理，進內一看，顧客大多不是意大利人，這個也不緊要，當看見牆上掛着我們能夠看得懂的文字，始終覺得不大合適，於是退了出去。

　　而附近就只有一間麥當勞，食薯條飲汽水比傳統食物更加吸引，幫襯多是年輕人，這也難怪，可是大部分顧客從樣貌看，部分祖籍應來看非洲，亦有中東裔，這些人雖並不討人喜歡，其實與我們有着相同的情況，大家都係為食個包，問題也不會太大。

　　可是妹仔唔係咁諗，來到意大利食個包唔緊要，但絕對無理由去麥當勞，記得某年在翡冷翠火車站同樣有間麥當勞，從無入過去，同樣羅馬都有一樣都無入過去，麥當勞可以有但永遠唔屬於意大利的用餐地點，唔食的話就要返回博洛尼亞，那時八九點都唔知再去邊度搵食，無可奈何之下點個套餐加多個包就咁一餐。

　　妹仔真係好唔高興，竟然在這趟旅程中蒙上了污點。