獅子山

　　幾個月前經過九龍城，某個位置剛巧見着獅子山，於是影了一張照片。

　　獅子山暫時只上過去一次，小學時曾相約同學一起登山，可惜遇着落雨而取消，直到後來才有機會登上獅子山。

　　獅子山特別之處，大概港島北岸及九龍半島大部分地區都可以望到獅子山，成了這裏的標誌。至於獅子山精神其實唔多清楚，因為那時候港台電視部的節目《獅子山下》無乜機會睇過，只知良鳴、葛劍青主演，好像還有潘志文，其他唔多記得名字。

　　為何無乜睇過《獅子山下》？原因幾老土，家貧，自幼失學，早已出來當童工，一天工作十多小時，邊有時間睇電視，有幸聽收音機已覺十分幸福。

　　精神常存只用來紀念，暫時覺得好像用把口講，身體力行實踐才能保持，但似乎唔多見。