CD Walkman

　　翻開櫃桶找護照，內裏原來還有一部好久不用的Panasonic Discman，未曾再用沒有十年也有八載，還可以播放CD嗎？

　　電池有，可是有線耳塞不知放在何處，或許早已丟掉，藍芽耳塞不可用，幸好還有一個藍芽喇叭，連接的電線還在盒內，一併全部拿出來，測試Discman兼聽塵封CD。

　　聽黑膠唱片其實唔係麻煩，只不過屋企愈住愈細，無咁多地方放唱盤，收藏在角落，要聽的話要待家中無人，把唱盤放在飯檯上，唱片又要抹塵，未聽兩三首歌又要收拾一切，講得難聽啲真係唔聽好過聽。

　　如果屋企夠大當然唔係問題。

　　CD較為好一點，起碼細一半，擴音機有無都得，可是換得兩三次CD已經唔多想再換，因為CD堆到成檯都係，首首歌都想聽，聽得幾首不如上網聽算吧。

　　測試下來，Discman能繼續運作，音色比起新買的CD機更佳，究竟是甚麼原因呢？難道從前由日本製造的機械真的較為耐用？

　　唔緊要啦，反正也不會多用，始終以智能電話或電腦播放音樂較為方便，偶然心情不佳懷念從前之際，再找來一聽安慰自己。