找錯處

　　香港仔隧道巴士轉乘站於7月26日開始使用，早兩日經過，使用的乘客暫時不多，更有部分落錯車，以為這裏從隧道出來的第一個巴士站即現時改為的黃竹坑醫院站。

　　落錯車唔緊要，唔記得埋站都唔緊要，過了一個星期應該已經熟習，自然減少出錯的機會。

　　出錯皆因未有閱讀通告，包括乘客與司機，以為一切理所當然，忘記了日常生活中每天的微小變化。

　　對於居住在南區的居民來說，以往在香港仔隧道巴士站轉車早已習慣，今天多了一個真正的轉車站，第一好處多了有瓦遮頭，落大雨都唔使怕，第二好處往北方向多了6X經皇后大道東，如果有耐性候車的話。

　　前兩天需要轉車入鴨脷洲，落車後參考指示板，看似有多線可以入鴨脷洲，可惜只有592才能直接入海怡半島，其餘都要繞經利東，但唔睇猶自可，一睇把幾火，這張告示上竟有有兩個錯處。

　　第一，592並不經過利東，第二，N171只到達鴨脷洲邨而唔係海怡半島。咁嘅錯處，絕對相信係由坐在冷氣房的工作人員——相信係高層——設計出來。

　　本來有錯唔緊要，正好給乘客一個找錯處的機會，消磨三幾分鐘，把候車光陰變成娛樂時間，也有其功能存在。