旅程結束

　　旅行日本唔會係首選，但只有幾日假期，沒有地方好得過去日本。

　　日本面積亦唔算大，人口卻多達一億，多年前曾到過沖繩，印象唔算深刻，亦到過廣島，主要參觀人類第一次使用原子彈的地方，再來日本，亦選擇了第二顆原子彈轟炸之地——長崎。

　　日本旅遊名勝多，不知何解始終覺得較為人工化，而大自然風景的地點如果不是自駕遊則較難到達。過於人工化的原因或許與戰後重建有關，而收拾企理（綦理）也許亦是原因之一，而喜歡去日本，目前當中一個最主要原因就是日圓匯率低，除了交通費外其他都比特區香港廉宜。

　　另外就是治安，殺人放火偷竊日本當然有，亦有死刑，可知刑事案件亦唔少，但係遊客在日本所面對的治安，則肯定比在歐洲或其他亞州地方安全，拿着相機在街唔使驚畀人搶，智能電話亦一樣可以拿在手，至於扒手，無論在任何地方都要小心，包括日本在內。至於在街上所碰到的人，基本上都是日本人，少見其他種族，亦較容易接納。

　　回程飛機並不太多人，兩日前在網上預先辦理登機手續，座位亦編排好，未能同座一行。對於三四個小時的航程再加廉航，我們沒有太多要求。寄行李見日本籍職員非常有禮，於是詢問可有相連座位，他立刻入機，結果出來編在同一行隔開中間座位，至於為何有這個編排真係要問航空公司——香港快運，明明有位卻係都唔畀乘客，可能他們政策規定唔畀錢的話一定編排分開坐吧。

　　兩隻嘢當然無你咁好氣，既然中間無人坐就由他們坐定定，懶理兩老扮睇書。小睡一會，飛機已到了陸地上空，不久開始降落。在跑道滑行時，見到國泰航空為紀念八十週年用上了舊塗裝，標誌雖舊，但內裏可不一樣了，連氣味與其他航空公司都幾乎相同，就知編排座位點解有這個政策。